عام انتخابات چي ددیموکراسۍ او غربي رواج یو داسي پدیده ده چي نه پکي دانسانانو لیاقت ته کتل کیږي نه یې هم دیانت امانت او سپیڅلتوب ته بلکي دلته یې یوازي شمیر ته ترجیح ورکول کیږي ددوی په اند ظالم مظلوم ،عادل او جابر ، پوه او نا پوه ، عالم او عامي ،پاک او ناپاک ، ووړ او زوړ په رایه ور کولو کي سره یو برابر دي

چي په دې کار سره دپوه ،عالم ،سپیڅلي او مشر ورایو ته دکشرانو بې علمو او ناولیو په نسبت درناوی نه کیږي اوعمدا ددوی لیاقتونه له پامه غورزول کیږي اوددوی په قانون کي دښه اوبد رایه یوه شمیرل کیږي چي دا په خپل ذات کي له عدالت انصاف او پوهې سره یوه جګړه او په وړاندې یې ستره جفا او ناسم چلند بللای شو

په افغانستان کي دروان 2014کال انتخابات چي دامریکا په خوښه تر سره کیږي او هغه چاته به رایې ور کول کیږي چي دوی ورته معرفي کړي وي چي هغه یا دا خلي جنګسالاران او یا هم په بهر کي روزل شوي سګشویان اوکفري مزاجه غربي ټوک خواره

زموږ دهیواد دنفوسو شمیره چي دا مهال تر 30 میلیونه اوړي یوازي دښاري سیمو دولتي مامورین او یا هم هغه کسان چي دټوپک دمیل په زور وټاکنو ته اړ ایستل کیږي دپور ته شمیرې په تناسب لس فیصده هم نشو بللای نو چي داسي ده څرنکه به دا انتخابات افغان ولس ته دمنلو وړ وي زموږ هیواد وال دا هر څه په خپلو ستر ګو ویني چي ددوی انتخاباتي کمپاینونه دفترونه کاروانونه تر بریدونو لاندي نیول کیږي او هره ورځ یې په لسهاوو پلویان دمرګ کومي ته لویږي یایې کاندیداتوران سره له ساتونکو او پولیسو دمحاهدینو له لوري ژوندي اسیران کيږي خو غربي رسنۍ لا هم په واز کومي دانتخاباتو دپر مختګ ډنډورې ږغوي او په وار وار دا تکراروي چي دا ځل تر پخوا خلک وانتخاباتو ته ډیر لیوال دي کله وایي چي دشپې له دوو بجو لاینونه تر تیب شوي او تر مازیګر پوري خلک درایې کار تونو اخیستلو ته په لاین کي انتظار باسي او کله هم له دولتي مامورینو سره دعامو خلکو په نوم مرکې تر تیبوي چي وښیي په هیواد کي سم سمکی دۍ او دوی ته کوم خطر نشته دوی دا هم وایي چي موږ په 33 ولایاتو کي 6700 دانتخاباتومرکزونه خلاص کړي که دا شمیره پر 33 تقسیم شي نو په هر ولایت کي څه بالا 200 مراکز ددوی له لوري پرانستل شوي چي دا هیچا ته دمنلو ندي ځکه خلک په خپلو ستر ګو ګوري چي په هر ولایت کي دګوتو په شمیر مراکز تعین شوي

دوی له دا څو ورځنیو فدایي بریدونو دومره و ویدل چي نه یې بهرني څارونکي پاتې شول او نه دوی په هغه اندازه چي په کار ده ه ودفترونو ته حاضریږي ددې لپاره چي له دې کارنده بریدونو خوندي پاتې شوي وي دروانې میاشتې له پیل نه یې دلویو لارو مسافروته مخه کړې او هغه چي پګړۍ یې پر سر وي یایي ږیره وي یایې څیره وطالب ته ورته وي له سپرلي موټرونو شوه کوي او اذیت کوي یې یا هم ددوی دجاسو سي شبکې له لوري په مر موز ډول په شهادت رسول کیږي او یایې وزندانو نو ته اچوي چي ددوی دغه ظالمانه عمل نوره هم داولس غوصه را پار ولې او له دوی نه بیزاري اعلانوي ۰

(سعادت لاروی )